Gilgit Baltistan Herald

گلگت(نیوز ڈیسک) عوامی ایکشن کمیٹی گلگت بلتستان کے چیئیرمین مولانا سلطان رئیس الحسینی کو گرفتار کر لیا گیا۔ تفصیلات کے مطابق عوامی ایکشن کمیٹی گلگت بلتستان کے چیئرمین مولانا سلطان رئیس الحسینی کو انسداد دہشتگردی کی عدالت کے حکم پر گرفتار کر لیا گیا اور جوڈیشل کر کے گلگت سینٹرل جیل منتقل کردیا گیا۔ ایکشن کمیٹی کے چیئرمین کو اس سے پہلے بھی متعدد بار گرفتار کیا جاچکا ہے تاہم انہیں ضمانت پر رہائی ملی تھی۔ ان کی گرفتاری پر سوشل میڈیا پر گلگت بلتستان کی سیاسی مذہبی اور عوامی حلقوں کی طرف سے بھرپور مذمت کیا جارہا ہے۔

چلاس( ڈسٹرکٹ رپورٹر )تھک نیاٹ یوتھ مومنٹ کی کال پر احتجاجی  جلسہ ڈی سی چوک چلاس میں منعقد ہوا جس میں متاثرین دیامر بھاشہ ڈیم اور مختلف قبائل کے ہزاروں کی تعداد میں لوگوں نے شرکت کی۔مظاہرین نے پلے کاڑد اٹھا رکھے تھے جس میں متاثرین ڈیم کے ساتھ ہونے والا معاہدے 2010 کو مسترد اور مختلف قبائل کے ساتھ منصفانہ سلوک کے نعرے درج تھے۔جلسے سے خطاب کرتے ہوئے تھک نیاٹ یوتھ مومنٹ کے صدر ضیاء اللہ تھکوی مشتاق احمد کالا خان , ہتھو ، زبیر نمبراد مولانا شجاع الحق مبشر آر بی کے وجاہت اللہ قریشی و دیگر نے خطاب کرتے ہوئے کہا کہ دیامر بھاشہ ڈیم ملکی سطح کا میگا منصوبہ ہے اس ڈیم کی تعمیر کے سلسلے میں واپڈا کے ساتھ غیر مشروط طور پہ ہر قسم کی تعاون کی یقین دہانی کرتے ہیں۔دیامر بھاشہ ڈیم کے حوالے سے چیف جسٹس آف پاکستان جسٹس ثاقب نثار نے جو ہنگامی اقدامات اٹھائے ہیں ہم اس کو قدد کی نگاہ سے دیکھتے ہیں اور مطالبہ کرتے ہیں کہ ڈیم کی تعمیر کے سازشوں میں شامل عناصر کے خلاف آرٹیکل 6 کے تحت سخت کاروائی عمل میں لا کر نشان عبرت بنایا جائے۔انہوں نے کہا کہ متاثرین ڈیم کی آبادکاری کے حوالے سے متاثرین کے خواہشات اور مرض

عبدالحمید خان، چیئرمین بی این ایف گلگت بلتستان کی نام نہاد صوبائی حکومت کا سپریم کورٹ آف پاکستان میں غیر جانبدار باونڈری کمیشن کا موقف خوش آئند تو ہے لیکن واضح نہیں۔ پہلی دفعہ گلگت بلتستان کے لوگوں نے خیبر پختونخوا سے تعلق رکھنے والے کسی کمیشن کی مخالفت کی ہے جو ظاہر ہے وہ شندور ہو بابوسر ہو یا دیامر ڈیم کو ہضم کر کے ڈیم کی رائیلٹی اور زمین گلگت بلتستان سے چھینے گا کیونکہ کے پی کے تو براہ راست ایک فریق ہے لیکن یہاں مزید سمجھنے کی ضرورت ہے کہ کیا پاکستان کے کسی اور صوبے سے تعلق رکھنے والا شخص یا اشخاص غیر جانبدار ہو سکتے ہیں کیونکہ یہ اقوام متحدہ میں متنازعہ گلگت بلتستان سے زمین لے کر پاکستان کے حصے میں دینا ہے چاہے وہ کے پی ہو یا براہ راست اسلام آباد یا اس کا کوئی آئینی خطہ۔ کیا سپریم کورٹ آف پاکستان گلگت بلتستان کے بارے میں غیر جانبدار ہوسکتا ہے جبکہ سپریم کورٹ آف پاکستان کے جج پاکستانی شہری ہیں اور انہوں نے پاکستان کے مفاد کو اولیت دینے کی قسم (حلف)  لیا ہے جس میں گلگت بلتستان شامل نہیں۔   میرے خیال سے نہ سپریم کورٹ آف پاکستان گلگت بلتستان کے لئے غیر جانبدار ہے اور نہ